KXDR-də yerli və regional xalq məclislərinə seçkilər başlayıb

Koreya Xalq Demokratik Respublikasında (KXDR) yerli və regional səviyyələrdə xalq məclislərinə deputat seçkiləri başlayıb, ilk iki saat ərzində seçicilərin 47,8%-i səs verib.

“Report”un məlumatına görə, bu barədə Koreya Mərkəzi Xəbər Agentliyi (KCNA) məlumat yayıb.

Seçki məntəqələri yerli vaxtla saat 10:00-da (Bakı vaxtı ilə 05:00) açılıb və saat 12:00-a olan məlumata görə, seçicilərin 47,81 faizi səs verib.

Qeyd edək ki, Şimali Koreya daha əvvəl seçki qanununa dəyişiklik edərək parlamentə namizədlərin ilkin tədbirdə iki namizəd arasından seçilməsinə icazə verib.