Makron oyunu izləmək üçün Qətərə gedəcək
- 11-12-2022, 17:45
- Dünya
Fransa Prezidenti Emmanuel Makron dekabrın 14-də Fransa və Mərakeş arasında keçiriləcək oyunu izləmək üçün Qətərə gedəcək.“Qafqazinfo” xəbər verir ki, bu barədə Fransanın idman naziri Ameli Oudea-Kastera “France Info” radiosunun efirində bildirib.
O, prezidentin çərşənbə günü Qətərə gedişi ilə bağlı suala “Bəli” cavabını verib:
“Səfərin təfərrüatları hələ də işlənir, lakin o, bu öhdəliyi götürüb və məmnuniyyətlə yerinə yetirəcək”.
Nazir qeyd edib ki, 2024-cü ildə Parisdə Olimpiya Oyunlarının təşkili ilə bağlı bazar ertəsi mühüm iclası olduğu üçün çərşənbə gününə qədər Qətərdə qalmayacaq.
