ABŞ qırıcılarını Ukrayna ilə sərhəd ölkəyə göndərdi
- 24-08-2022, 11:19
- Dünya
ABŞ Hərbi Hava Qüvvələri NATO-nun bölgədəki missiyasını gücləndirmək və alyansın şərq cinahını qorumaq üçün artıq 12 ədəd beşinci nəsil F-22 Raptor qırıcısını Polşaya yerləşdirib.Bu barədə çərşənbə axşamı Lask şəhərindəki 32-ci taktiki aviabazada keçirilən brifinq zamanı məlum olub.
ABŞ Hərbi Hava Qüvvələrinin 90-cı Qırıcı Eskadrilyasının komandiri Maykl Kendal bildirib ki, 12 təyyarə gündəlik uçuşlarda iştirak etmir, lakin müntəzəm olaraq Avropanın hava məkanında görünür. Onun sözlərinə görə, bu yaxınlarda Slovakiya, Estoniya, Baltik dənizi sahilləri üzərində təlim uçuşları, Almaniyaya və Avropanın cənubuna uçuşlar həyata keçirilib.
Hazırda Laskdakı bazada 12 qırıcıdan əlavə, ABŞ Hərbi Hava Qüvvələrinin 300-ə yaxın nümayəndəsi yerləşdirilib.
