Latviya prezidenti Rusiyanın Ukraynadakı əməliyyatına dəstəyə görə vətəndaşlıqdan məhrumetməni dəstəklədi
Prezident Egils Levits bəyan edib ki, Latviyada yaşayan, Moskvanın Ukrayna ilə bağlı mövqeyini dəstəkləyən ruslar “demokratiya spektrindən kənardadırlar” və Latviya vətəndaşlığından məhrum edilə bilərlər.Onun sözlərinə görə, indiki vəziyyətdə neytral mövqedən çıxış etmək mümkün deyil, çünki insan neytraldırsa, “deməli, o, məsələnin mahiyyətini başa düşməyib”.
“Latviyalı ruslar arasında açıq-aşkar Ukraynayönümlü bir kəsim və hələ də nə baş verdiyini anlamayanlar var. Lakin sonuncular tədricən düzgün istiqamətə gedirlər. Bir hissə də var ki, onlar azlıqdadır, Rusiyanın mövqeyini dəstəkləyir. Bu isə o deməkdir ki, onlar demokratiya spektrindən kənardadırlar”, - Levits bildirib.
