UEFA Dnestryanı bölgədə beynəlxalq matçları qadağan edib
- 26-06-2022, 10:52
- Dünya
![](/uploads/posts/2022-06/medium/1656225441_289354229_1105406366985874_2549161809562515365_n.jpg)
Qadağa qeyri-müəyyən müddətə, növbəti bildiriş gələnə qədər qüvvədədir.
Bu barədə UEFA-nın rəsmi saytı məlumat verib.
Moldova çempionu "Şerif" Tiraspoldakı stadionunda avrokuboklarda çıxış edə bilməyəcək. Bu qərar Rusiya klublarının və komandalarının diskvalifikasiyası ilə bağlı əvvəlki qərarlara uyğun olaraq, eləcə də Ukraynadakı müharibə səbəbindən qəbul edilib.
“UEFA İcraiyyə Komitəsi yarışların fasiləsiz keçməsi üçün ümumi məsuliyyət daşıyır ki, bura şəraitin tam spektri bunu tələb etdikdə müəyyən bölgələrdə matçların keçirilməsinə müvəqqəti mane olmaq vəzifəsi daxildir. Çempionlar Liqasının birinci təsnifat mərhələsində oynayacaq “Şerif”ə, bölgədə oynama qadağası qüvvədə qaldığı müddətcə UEFA klub yarışlarında ev matçları üçün Dnestryanıdan kənarda alternativ oyun məkanları tapması təklif edilib”, - deyə UEFA-nın açıqlamasında qeyd edilir.
Çempionlar Liqasının təsnifat mərhələsinin ilk turunda “Şerif” bosniyalı “Zrinski” ilə qarşılaşacaq. Çempionlar Liqasının son mövsümü “Şerif” “Şaxtyor Donetsk” və “Real”ı məğlub edərək dördlükdə üçüncü olub.