Bayden bu dəfə Trampla Obamanı səhv saldı
ABŞ Prezidenti Co Bayden eks dövlət başçıları Barak Obama ilə Donald Trampı səhv salıb.Sözügedən hadisə C-SRAN telekanalında Baydenin Pensilvaniya ştatında çıxışı yayımlanan zaman baş verib.
Bayden deyib ki, 2009-cu ildə Tramp ona avtomobil sənayesindəki böhranının öhdəsindən gəlməsini tapşırıb.
Sonra ABŞ başçısı səhv elədiyini anlayıb və “prezident Obama idi” deyərək səhvini düzəldib.
Bayden özü Barak Obamanın prezidentliyi dövründə, 2009-2017-ci illərdə vitse-prezident idi.
Qeyd edək ki, son ABŞ prezidenti bu cür çıxışları ilə məşhurdur. Belə ki, o, Rusiya ilə işbirliyindən danışanda Liviya və Suriyanı qarışdırıb. Bu ilin aprelində Rusiya Prezidenti Vladimir Putinin soyadını səhv deyib. Konqresə müraciəti zamanı “eskalasiya” ilə “peyvənd”i bir neçə dəfə səhv salıb.
