Dünyada bir ilk: Koronavirusa qarşı anticisimləri olan körpə doğulub
- 18-03-2021, 11:00
- Dünya
![](/uploads/posts/2021-03/medium/1616044012_intersex-when-a-baby-isnt-quite-boy-or-girl.jpg)
Bu barədə WPBF telekanalı xəbər yayıb.
Pediatrlar Pol Gilbert və Çad Rudnik bildiriblər ki, qadın 36 həftəlik hamilə olarkən “Moderna” peyvəndinin ilk dozasını vurdurub. Üç həftə sonra onun qızı dünyaya gəlib. Bundan sonra mütəxəssislər ondan qan testi götürüblər.
“Anticisimlərin anadan körpəyə keçib-keçmədiyini yoxlamaq üçün körpənin göbəkbağını yoxladıq”, - deyə pediatr Gilbert bildirib. Onun sözlərinə görə, nəticədə uşağın COVID-19-a qarşı anticisimləri olduğu aşkarlanıb.
“Bildiyimiz qədəri ilə, peyvənddən sonra anticisimli körpənin dünyaya gəlməsi dünyada ilk hadisədir”, - deyə o vurğulayıb.
Pediatr Rudnik isə yaxın aylarda peyvənd vurdurmuş analar tərəfindən minlərlə körpənin dünyaya gələcəyini deyib.
Bununla belə, elm adamları hamiləlik dövründə SARS-CoV-2 peyvəndinin təhlükəsizliyini və effektivliyini yoxlamağın lazım olduğunu bildiriblər.